muffin

muffin

2018年1月18日

一件瘀事


呢篇嘢本來唔想寫, 不過大小姐想知來龍去脈, 就當一個經歷
tabirai.net 山梨縣近河口湖駅附近租車公司就只得瘋田, 在網上看過為何無4WD或 AWD租, 本來都擔心十二月中的山梨縣會否落雪問題, 不過無得揀就唯有選擇曾經揸過嘅 Ractis, 取車時換了另一款車給我, 其實已知 Ractis fade out 成年, 各位 blog 友應該都再無乜機會租到
各款車其實差不多, 大部分車都係好踏著 brake 按掣着車就行得, 佢比舊方飽咁款嘅車都係咁揸, 當日取車在暗位收車, 沒有多大留意, 去到第一個景點後上車才在陽光下發現有條由左前門至尾門有條很長花痕, 又花多半個鐘車程返瘋田備案, 其實租到此車唔多喜歡, 外型同 town ace 無乜分別, 最攞命係上少少斜路就好嘈, 因為扭力唔夠, 上網查証呢款車1000cc 只有69匹馬力, 揸嘅感覺真係喜出望外. 好有貨 van feel


呢架車身顔色同自己件外套撞色, 佢係 keyless

外觀就係咁

睇呢尾箱好似幾闊, 其實唔摺後座就連自己個喼都放唔落


有係泊 cam, 不過唔係好清

有尾後車 sensor, 不過唔係好大聲, 車款叫 ROOMY, 除了車身闊同高, 就無乜特別

車頭同銀幕上都有感應器, 問過租車公司話安全裝置
http://toyota.jp/roomy/safety/?padid=ag341_from_roomy_navi_safety
經自己測試後, 佢只係過咗行車缐會嚮外, 對前車太近而自動剎掣功能係唔得嘅, 可能因為係最低端型號




[X]超齊版, 連轉數錶都無, 每早著車都顯示引掣冷卻液溫度過低, 虧佬咁!

超無聊顯示在車中間

左後就係呢次瘀事

事由第一天午後, 由新倉山浅間公園離開不遠處在窄路遇到對頭車, 我以為逆線行車便後波退回L位置, 一不留神, 左邊 sir的一聲擦過同車轆高嘅護欄, 落車看了一會, 車邊巳花, 護欄沒有損壞, 打定輸數又返瘋田一趟問要賠幾錢, 返到同佢地雞同鴨講後, 佢話唔駛賠, 不過要報警, 佢地代我 set gps 到當地差館一趟, 可能當地並不是大城市, 報案室好客氣叫我等出外位警察回來再到現場了解, 了解完, 警察哥哥説會聯絡租車公司, 不用再去警局, 交車當日, 我都預早一個鐘還車, 租車公司又問我有無去警局, 我話警察會聯絡你, 後來佢打電話去警局搵經手人, 講咗一陣就收線, 攞番張租車收條, 咁就拜拜.

其實我都同租車公司解釋此車一些問題:
此車車身高, 座姿比一般房車高, 同様兩邊後鏡高但並不比房車大, 而最大問題左邊後鏡不會因入後波而自動向下調整, 所以左邊較矮位置係盲位, 車尾太扁而得兩粒 sensor 感應不到碰撞位置, 加上護欄高度太矮, 同自己三心兩意, 還有是原來窄路可以對頭行駛, 只要大家互讓就可通過. 攪到自己少了一天影鑚石富士時間
呢款車以後不會租

2018年1月14日

西湖いやしの里根場

在西湖野鳥之森不遠處就是西湖溫馨之鄉根場, 泊車是免費的, 車場旁邊有些攤檔售賣當地土產, 有些都幾吸引, 想買富士蘋果, 但太大個, 一個人未必食哂, 想食燴蕃薯又係同一理由, 見燒ayu好鬼大條又肥, 又怕攪到雙手黐立立, 所以都係得個睇字

根場前有耕地, 稻草人造型確實夠哂靈氣, 不只得呢兩個, 更有些是坐在屋前, 見到呢款造型就想起大小姐果篇落合集落
http://huinerissa.blogspot.hk/2015/12/195.html

今日係晴天很幸運這次旅程都是晴天, 樹上仍掛著柿

在山梨縣時不時見到掛粟米

此處面積不太大, 行去最高回望根場, 中間有條小川

屋頂也是人字式乾草做, 如果能在下雪冬季參觀, 可能覺得似白川鄉




不知甚麼胡籚買乜藥 :)

入口處, 望富士山

 在內有間叫舊渡邊住宅

外邊有部古舊洗衣機

連屋內家電都係幾十年前出品, 屋內是不准進入

在屋另一高旁有個郵筒

郵筒旁有個電網圍住一些植物

再行回入口處有個鳥居,石級上有個神社

又見到吊矖柿, 我略知柿亁是由收成後吊矖, 是新年送禮佳品

柿乾原來都分好幾種, 有扁有長, 有乾身些有濕身些, 有平有貴, 有人話能登半島最正, 亦有人話山梨甲州係上選, 呢款叫枯露柿, 剛剛遇到十二月中開始有售, 所以早一星期在樂天訂了兩盒到當地酒店收貨, 帶回家送比家人食

沿著小川行回停車埸離開, 不知是否因山梨縣是高地, 所以很容易看到大片芒草踪影

2018年1月13日

富士花鳥園

在富士山腳最後的一天去了富士花鳥園看看貓頭鷹, 此處飼養很多種類及數目, 鳥類之中我比較喜歡貓頭鷹, 因為樣貎似貓科多過鳥類, 站立可以很久不動, 身形似個胡籚

貓頭鷹種類繁多, 多到自己識唔哂, 身型如鵰至一隻小如普通鳥類都有























每日好似有兩場表演, 貓頭鷹特色是飛行時很靜




又飛又行, 很趣緻

只知佢係隻鵰鴞, 確實名字就不清楚

黑翅長腳鷸香港都會見到嘅冬季候鳥

鴯鶓


園內有個池, 有不少野鴨飛來

有黑天鵝



緣頭鴨


呢隻身型較大, 可能係雁




池塘大半已結上薄冰