再見, 我的旅遊伴侶!

用第一次用此牌子是上世紀八十年代, 很記得是在怡東酒店旁的相機店購買, 已前此產品是用鋁法國造(約二千年轉去意大利生產), 買的是二號腳架加上扭棍原廠雲台所以重量不輕, 不過確實很堅固. 不過帶出門的機會不多, 約十年後送了比朋友. 二千年數碼單鏡相機價格感覺好像是可以接受, 又開始敗家, 買了數碼相機但因想用低 ISO拍攝夜景就自然用上腳架, 二話不說就只會想起此牌子, 當時已開始用碳纎, 當年流行此配撘 1228MK2 加 arca swiss B1波頭, 當時感覺是比較已往鋁架輕(其實心𥚃作用多D), 不過佢係四節收藏在行李喼或出外比輕方便, 不經不覺已跟隨我去了差不多廿年旅程, 但自己開始年事已高, 唯有説聲再見.

呢枝二號腳叫1228MK2 mountaineer系列, 中軸有兩隻耳仔嘅 lock 

新買一號腳 1545T Traveler, 同様四節, 高度差不多一様, 但重量比舊那枝輕了一半

兩枝長度差不多, 後面是已前影鳥用的三號腳架 3530LS

不過 Traveler腳是可向上翻, 所以收藏體積很細

三枝體積比較

traveler 用料叫 carbon exact, 不知用普通有何分別

呢枝三號腳叫 systematic, 是無中軸, 所用是 carbon 6X

pocket wifi

已前去日本旅行只係買本旅遊書加上自己 print out 一大疊資料加地圖就出發, 基本上在旅程中旅遊書就不會隨身攜帶, 隨身的只有地圖不論是車站取或是自己影印, 其實對於小弟最困難之處是一不懂日文, 二交通安排也是個問題, 所以書中很多地方根本無有去過. 就像 2012年第一次北海道自駕只靠車內的 GPS尋找目的地而沒有其他輔助通訊, 確實低估在旅程中風險 

在近幾年開始有 pocket wifi 租借, 加上家人也會不時外遊也會用上, 前年就索性買個日版未解鎖 docomo pocket wifi 一家用, 上年尾 NEC 出了新款又買個試試

左邊是 NEC 右邊是 LG 

NEC Aterm MR05LN  是解鎖行雙咭, 只要有支持頻道就可以用任何電訊商 sim 咭,  買佢原因是插 nano sim

前年買的 docomo LG L-01g 用 micro sim, 未解鎖只能用 docomo sim, 不過放心是去日本只要買電訊商是 docomo 就算不同公司出都可以用到

呢兩年只會買呢兩款 sim 咭, 左邊啱單人用係七天 2.2G 不限速(無每天 data 限制) 最平是$138, 右邊啱一家人用係六天任用不限速 (嘻嘻, 最好夠十人去, 因為果兩款 pocket wifi 可以支持十個裝置 :) )

注意是呢兩款咭只有 nano sim

底部加上膠腳, 自駕遊就放在車控台上 

 NEC 鋰電池 2500mah, LG 鋰電池是 4880 mah, LG 可以長開兩天, 但 NEC 也不太差

兩部機開機畫面, 兩款都係 Touch Screen

 NEC 主畫面

設定畫面, 呢部特別之處是可用藍牙無線上網

設定畫面只有日文

呢兩款可以當 access point 用, 公眾無線 LAN (PWLAN)

LG 畫面, 在日本插上 sim咭後就會顯示時間

呢款可以選擇英文或日文

仲有隻 Huawei E5377s-32, 呢隻日本用唔到, 但前排用呢個組合去泰國就一流

P.S.如果用有 Data 限制嘅 sim 加上 pocket wifi 建議關上:

1) 軟件自動更新, 如 google play, Apple Apps Store.

2) WhatsApp 自動下載影片及相片                        

3) 雲端自動上載相片                                          

咁就會無咁快將有限 Data 用光 :)

  

Arc'teryx

其實臨去北海道前已想更新已穿了多年Arc'teryx THETA AR, 聖𧩙節期間香港減價, 買呢個牌子外套都覺得偏貴, 因為九成生產線近多年已由祖家溫哥華向東移到我地祖國生產 , 所以覺得不太值得購買, 還有的是香港店舖大多數是將所有款色呎碼掛哂出嚟給客人試穿, 顏色又未必齊全, 就算你啱心水買, 問有無未開封就未必有存貨, 近幾年自己也少去加拿大, 剛啱朋友今個月回來, 所以去官網直接落單寄到朋友家. 點解要加拿大買? 因為就算有13%稅都比香港平宜, 而 Arc'teryx 也是我比較鍾情產品尤其是外套

落單兩日, 話都無咁快由溫哥華寄到多倫多, 朋友晚上回來就見到一個黑紙盒就咁放在屋企門口, 無需簽收,  不過都見怪不怪, 北美送貨就是這樣, 無人收貨就放喺門口就算, 朋友說好彩無比浣熊擔走  

包裝得唔錯, 四邊都無跌撞過

黑大信封有 invoice 同一張呢隻牌子介紹, 已前可以寫信叫佢地郵寄產品目錄, 成本書仔咁厚

嘻嘻, 主角出場

下面仲有件

一件 hardshell, 一件 softshell

呢件係 ALPHA SV, 可以代替多年 THETA AR, 再遇暴雪都無有怕

呢件仲係祖國出產, MADE IN CANADA

呢件 softshell 叫 GAMMA MX, 都係祖國出產, 不過係我地祖國

真攪笑, 送咗頂緣帽

amazon 2015

近日買了新電腦, 因想調較螢幕色彩關係, 所以要買個 color calibration, 行去相機舖格價之後都係覺得貴, 趁前排 amazon 有特價就買咗連 

colorchecker passport 套裝,價錢比香港售價幾乎平了一半

見到 google 子公司個 IP cam 幾有型, 就買個放在家裡

IP cam腳座有磁石, 所以可以吸在鐡上, 跟條十呎 usb 線用隻100-240V 兩腳 USB 牛

因不想帶手提電腦, 又趁 CF 平, 所以又 order 兩張 64G CF 咭, 價錢又係平香港一半, 右上角就是 color calibration

毎張 CF 咭有條 key, 可以上網 download 救咭軟件. 現總共有 176G 記憶體, 十天旅行,相信自己可以夠用 

pocket wifi

上星期收到兩份玩具

第份經 DHL 送黎嘅 imac 27 5K, 因前排經過水果店八一八卦, 覺得幾好就訂番部話玩玩

接著就係經 UPS 送由日本代購郵件

係一部所謂白 rom 嘅 docomo pocket wifi, 由於找不到直接寄來香港商家, 唯有幫襯代購網站 

計計埋埋, 已經有五件裝置

左邊係已前網上痕送嘅華為3G 手指, 已前覺得算高檔產品. 右邊係前年想用無線網路代替家中寬頻, 叫朋友幫忙淘回來嘅 4G 手指, 呢個方案最後都無實行 , 最終呢兩兄弟長眠在櫃桶內

呢隻係上年大陸中移 E5375, 香港用到3 同 4G, 以爲可以喺日本用, 經上年九州測試過係唔得, 最後都係張 ocn sim 咭插回電話內用

呢隻係上個月係腦場買嘅E5377 S-32, 香港買就要留意尾數 S-32 至好買, 日本都有呢款賣, 呢款日本市區用應該是可以, 但山區就可能未必得

參考連結

http://shimajiro-mobiler.net/2015/05/03/post32223/

既然都係有機會到山區, 最終都係買個正統嘅日本 pocket wifi 用, 呢個 LG L-01G 係 touch mon, 有 simlock, 白 rom 聽聞可以去 docomo unlock sim, 不過好似幾複雜, 不過無所謂, 大部分旅遊 prepaid sim 都係 docomo 網路, 下次去日本, 我會帶兩個去測試效果 :) 

Apple Watch

今天收到四月初從 apple 預訂嘅黑色膠 apple watch, 喺包裝方便很高級很靚, 但環局腸光頭星一定話佢浪費

外觀上很精緻, 膠手帶感覺柔軟, 316不鏽鋼外殻，顯示屏不是長着, 有D似七十年代 LED 電子錶

大小同隻撈石屎地通拿差不多, 重量輕得多, 個人覺得至有智能電話出現, 傳統手錶現今只是一種飾物, 已失去本身効用

嘻嘻, 就係為左呢個面至買佢, 想起小學時同學仔隻米老鼠手錶, 當年賣$35, 而每天只有一蚊的我就算想買都要扎炮個零月, 所以只有個恨字 ^^

Amazon 減價

由 black friday 上 amazon 用 us$ 126.78 包運費買了隻 SSD, 就差不多每格幾天就上網望望有乜筍野執, 過左一星期, 又買左  lexar 32gb cf 加埋 card reader us$ 95.57包運費, 又過一星期, 屋企支無線吸麈機無力, 又睇到 dyson dc59 animal cordless有 20% less, 用左 us$ 431.24 包運費買左支, 今日收到貨, 上網印番張 invoice 時, 又見到支有 motorhead 有 32% less, 用左 us851.77包運費買多兩支.

Dyson DC59 motorhead 即係香港買嘅 DC62 motorhead, 香港賣最平都要五千蚊, 其實沒有多大分別, 只係美國買嘅跟嘅义電牛係兩腳插, 不過都係 100v -240v

如果有興趣趁聖誕減價, 不妨上網望望, 就算買貴 SD 咭包埋運費都可能平過香港