經過札幌已經是中午時分
途經地方坐過機場巴士都似曾相識
先去岩見沢望下先, 因為上年都到過
道之駅其實間間都差唔多格局, 有手信有水機有嘢食仲有得去:) 不過每間都有D唔同特色
前面都停左架 freed, 總係覺得人地租果架企理d
然後再停另一個道之駅, 食下野再上路, 後面果架係混能新 fit, 已有得租.
上層雲峽山路, 工人又忙着入冬前維修道路
卒之到了
本來想住朝陽亭, 最後都揀左呢間, 因為近纜車站.
-
自日本新政府上場, 日元對外匯向下滑, 吸引不少外國人士購物, 加上偉大祖國大量熱錢襲港, 商人見利忘義, 變成除揾大陸人錢外就沒有本地客及外國遊客幫襯, 不是外國人經濟不好, 而是外地買物就算加埋稅都會比香港所謂無稅購物天堂平宜, 更有當地保養, 所以香港高級消費... -
上星期去車房洗大車, 見到噴到周身泡都似足泥鴨 :) 呢架車未係full option果架, 所以個機頭就無乜特別 反而錶板就覺得好靚光度可以 adjust, 不過呢架野都幾大食 1L/6.6KM 而呢架就慳一倍 找左個Sales... -
為了去旅行買了部新相機跟手買埋枝長鏡, 記憶咭在 amazon 購買比較平宜, 放在防潮箱幾星期後至出街試一試新機 月食當晚在家露台加 TC 1.4 栽了一半所影的月亮, 可惜一時後在月亮已離開在露台可見範圍 今早去了香公一趟, 這處是我開始影鳥的練習場...
最初我都有諗「朝陽亭」，不過係東X遊指定，所以放棄。
回覆刪除唔知點解呢處都無乜人租, 靜鬼英英, 間旅館都好攪野, 接待處得個亞嬸, 食堂又係得一個人, 食飯又得我果台, 溫泉入去自己開燈, 八點幾接待處連燈都熄埋, 我行出去望計埋我都係得三間房着燈, 不過房都乾浄舒服嘅
刪除我睇唔清楚間旅館叫乜，係咪小型温泉旅館？唔係旺季，通常都包場。
刪除呢間叫 HOTEL NORTHERN LODGE
刪除http://web.travel.rakuten.co.jp/portal/my/info_page_e.Eng?f_no=15395
溫泉其實好似大浴缸咁啦, 浸左廿分鐘都無人嚟, 仲要自己熄埋燈.
哦，原來隔離果間。呢間個look吸引好多。:))
刪除呢間我都有住過，不過無你講咁少人，佢個夕食都好正
刪除mandy 小姐, 住呢間小店因為近纜車站, 夕食記得好似有條鱒魚仔刺生同半隻蟹, 如果夠膽其實入夜後揸車去䌫車站個車場, 如果無雲睇星就一定正
刪除夜媽媽出去真係唔好搞, 層雲峽果頭都幾邪 XD
刪除放大咗D相，舒服好多！
回覆刪除第一張相個GPS位好有型 , 部車亦都好新淨 , 可否講解幫襯邊間租 ?
回覆刪除幾多錢 ? 最好提供埋租車公司網頁 . THX
小姐自稱豐田園忠實fans^^ 想轉下口味呀? 呢架嘢經呢間 book. ORIX 攞車
刪除http://car.hokkaidotour.net/
呢次租八日 $39800 加埋 8天 Hokkaido Expressway Pass 路燈費 $8000
咁又未必一定轉會 , 好奇一下 , 如果好既話 ,
刪除又未必唔會轉 , 總知就係兩手準備啦 . ^^
t先生都係識貨之人，去hokkaidotour租車。:D
刪除八日39800Yen , 呢個價錢包唔包保險 , (即係每日1050Yen果隻) ,
刪除如果包括埋既話 , 咁咪好抵玩 ? (真係要考慮轉會咯) ^^
另外想問部車OK嘛 , 有乜缺點優點算唔算大食油之類 .
最後想問今次出門幾多位同遊 ? (純粹好奇 , 可以唔答)
如果hokkaidotour租，係全包日計式。
刪除http://koosan.blogspot.hk/2013/08/tokyo-hokkaido-rent-a-car-hokkaidotour.html
t先生好似係你fans，緊係一人遊。(我估）
小姐, 如 Koosan 所講係包左免責保償, 我仲買左8日 RAP@ 5百幾円, 咁就包埋生仔.
刪除本來已租果級係 混能 fit 或亞瓜, 過多個零月隻 混能 freed 又有得租, 每日多 100 円, 咁就唔駛講租佢啦, 因為屋企揸慣高身車.
車方面, 比我感覺唔夠屋企架車方便, 上次都同你講過我地架車鎖門後鏡㑹摺, 開車會自動開番, 呢架嘢試過二,三次行車時發覺未開鏡. 呢架車都係 keyless to go, 不過唔係豐田㩒制而係匙膽位有個扭制, 唔駛踩住 break 都可以着車. 最攪野個油缸冚係唔駛㩒制門, 有次入油我忙住出嚟試下開個油缸冚, 入油位人兄問我有無食煙, 我話無, 比完錢至發覺未熄車^^ 其實喺香港入油我都好鍾意走出黎𥄫住佢地入油, 入到彈槍就夠, 我唔會比佢地㩒多幾下幾乎入到瀉. 呢次行左 1661.9 km 平均價 160円@L 入左16000円到
又講番呢架車短無尾, 好易揸 (可能自己慣揸七人車), 內籠中間無手掣可以放部手提電腦同單鏡機喺前座椅同椅中間,方便.
最唔好係兩邊後鏡調較角度窄唔似豐田較到舒服視角 (定架車有問題), A 柱轉右灣盲點大, 所似轉右要頭岳前d睇下右邊乜野情況.
其實租到呢架車都算殘, gps 唔 updte (遲d解話), 拉埋右前門d聲好散唔同左邊聲, 道門應該維修過, 側兩邊玻璃水漬印, 後鏡已有一點點氧化, 車速開到100, 轉數已經三千, 但睇人地 blog, 佢開 100, 都係 under 二千.
當交車時, 見到幾架 freed, 車牌仲早d, 不過好企埋, 我就問果個收車人係唔係果d新d又問下有乜分別, 佢話係新d,又話果d gps 只有日文. 所以我有結果, 你幫襯佢租車就指定日文 gps, 又 update 又新淨.
t先生，其實彈槍再入，有無壞處呢？我以前好多年都入定額，＄600， ＄700，方便計數。近來貪平，等ESSO減價先入，所以次次彈槍。
刪除你試用日文GPS，其實差不多。淨係識聽左，右，同少少數字就OK。
多謝咁詳細既解答 . THX
刪除入油彈槍即係油缸滿油點到槍咀, 佢地㩒多幾野咪傔多你幾十蚊囉, 幾乎滿到瀉都夠膽死 (日本人見你外佬都係數咁做). 喺香港我都係似你咁, 得番一大格至去入定額, 永遠入佢唔滿:)
回覆刪除如果日本，我都係先入定額，3000, 4000 YEN咁入，通常用自助，唔洗找來找去。
刪除最尾一野先入滿 「満タン」還車。
日文"彈槍"點講, 因為「満タン」佢地會同你人手再入滿, 今次就係"彈槍"再入, 多成五百幾円.
刪除歡迎大小姐大駕光臨. 嘻嘻, 天下烏鴉一樣黑, 㗎仔都識行古惑 :)
刪除就係咁嘅情况, 我就係每次都企出黎, 第一預備比錢, 第二係聽到彈槍聲就同入油果位人兄講 ok ok
刪除哈，大小姐不如你用SELF SERVICE果D？
刪除彈槍再入，同汽水加多多冰一樣，都係「行規」。
koosan 今次我都試過自助入油，好易👌
刪除自助入油我好"滕雞"架, 試過一次老鼠拉龜, 油站果個人都睇唔過眼出來幫手 :p
刪除大小姐，你只要聲控一聲...衰佬快D攪惦佢。 咁就得左😊
刪除入過自助後，我通常都會揀自助。歐美地方係咪全自助？
刪除歐洲你同1733兄就清楚D, 美加就多數自助式, 平D嘛.
刪除哦 ~ 唔怪得你知道我當日通宵車到過 "岩見沢" ,
回覆刪除個門口好易認 . ^^
另外部 Freed 都好有型 , 尤其車頭部份 , 勁 !
小姐, 夜鬼媽媽揸車你唔驚望後鏡時見到有D野坐喺後座? :)
刪除咁又唔係咁驚 , 因為當時全神灌注於駕駛 ,
刪除冇時間分心諗其他野 . =_= !!