離開室蘭便回頭到登別, 一上 IC 就落雨不停趁未去酒店 check in 就先去地獄谷行行, 去到有料車場 410 円, 泊好揸住把樜同相機入去
呢次係第一次睇到噴煙嘅地下, d 煙好似酒樓廚房蒸緊點心 :)
沿住呢條路向下行
就見到下面有間屋仔, 如果今日係天晴, 個景應該不錯
呢個神台, 小姐都己有詳細介紹過
都幾大陣硫磺味, 有少少臭啦
跟住條路行
近睇最大煙果處
見到條路盡頭
有條硫磺水溪
路盡頭就見到呢個間歇噴泉噴緊水, 如果飲一啖會唔會廷年益壽 :)
對面山開始有紅葉, 再過多一星期黎嘅朋友就影到靚相
沿路行番出去, 因為份地圖放左喺車, 以為都差唔多咁款, 原來上面都好多景點
雨越落越大, 相機都濕埋, 都係徹退好d
廁所..都係睇小姐個 blog 長盡
上番車, 用電腦上網用 Koosan 方法喺 mapion check 到俱多樂湖 mapcode. 上山落山, 半個鐘就到, e, 呢處都有河童橫斷. 藍車相信係右邊餐廳主人, 佢怱怱開門入去, 又怱怱鎻門,揸車走人
呢處好靚, 水又清, 仲有天鵝艇租
影完就去 check in, 上番山果段, 見到隻鹿公, 佢好快跳番入樹林消失左
聽亞 Koosan 講呢段時間有鬼火睇, 涮左餐好正好勁酒店自助餐又楂番車去地獄谷, 車場亞伯都收左工, 泊入去都唔駛比錢, 又去到入口, 鬼影都無多隻
影左呢幅晚間地獄谷就返酒店浸溫泉
"講呢段時間有鬼火睇"
回覆刪除哈，好似唔係喎！夏天時份，星期四五六，有“鬼花火”睇，煙花。如果真係“鬼火”就大獲。:))
我睇到有張 poster 同印象中你都有提過有表演睇嘛：）
刪除鬼花火 != 鬼火 :))
刪除鬼花火真係幾好睇架 ^^
刪除最尾果張好“地獄”，你加在filter? effect?
回覆刪除只係現場果D燈光， 約三十秒啦
刪除哦，你有帶trpod"遊地獄"。
刪除去曰本就好多時帶埋腳架去。我擺埋入喼攪惦
刪除再看清楚，好像火光紅紅，右下角以係“翻起的熔岩”，原來係草。
刪除嘻嘻, 見唔見到閻羅王 :)
刪除"登別" 呢個地方 , 的確令人懷念 , 當時冇去到 "俱多樂湖" , 可惜 .
回覆刪除俱多樂湖真係幾靚,原來摩周湖後最清嘅水就係到佢
刪除無諗過會去到俱多樂湖果邊喎，＞_＜
刪除俱多樂湖水真係好清, 天氣好一定好靚, 條路可以返去登別地獄, 不過留意冬季應該封路, 仲有路上有熊出沒注意警告牌
刪除