離開由早上有太陽亞寒湖到達網走已經大雪紛飛, 由國道39上天都山已花了一段時間, 因為大雪關係, 連地上轉右標誌都睇唔到, 足足兜左三個圈, 第一站想去監獄睇睇, 入到車場鬼影都無多隻, 停左一陣就再揸車去流冰館, 到左流冰館, 啱啱有班台灣旅行團到就跟住佢地參觀
白茫茫一片
前面果班係旅行團
遠處應該係網走巿
除上塔參觀外, 都去埋展覽館, 即係比條毛巾 fing 幾下就硬哂果間凍房, 其實咁嘅天氣揸車時伸隻手出去你隻手都變雪條啦
參觀完就去左網走市流冰街道之駅, 天氣又轉壞
防波堤外就係鄂霍次克海, 都幾大浪
等到無咁大雪行左對面食喬麥麵
呢個道之駅對面已是民居
雪車
食飽又行下硝子館然後行番去攞車
行番去又好番天真係天有不測之風雲
本來想去能取岬, 不過有D眼瞓唯有去酒店, 去埋メルヘンの丘至去酒店
就係咁停喺路邊影
由酒店遠望結冰網走湖, 下邊就係酒店浸泉
對面係呼人站
⋯⋯行車線又睇唔到（好似睇頭頂紅色箭咀？），停車場又堆滿雪，雪駕係咪要靠估？
回覆刪除係呀,頭頂有箭咀, 不過成地白哂唔知邊個位入線轉右
刪除想請教一下，我而家用緊Canon 550D，有兩枝變焦鏡，一枝係Canon EFS15-85mm，另一枝係Canon EF70-300mm。
回覆刪除我想買一枝腳架，希望在旅遊時都可以用。所以想輕身一D。
有有好介紹呀？
1733兄, 我宜家有兩支2號同3號G嫂 (GITZO), 2號腳都用左十年,不過好貴, 如果平平地買支金鐘 (Velbon) 用下都 ok, 碳纖就貴不過輕同耐用D, 鋁就重D. 最好三節至四節腳架較穩陣, 四節以上係方便收藏但建以不用考慮
刪除謝謝你的建議。貴買長用都係長遠而實用既架。
刪除去旅行用，如果輕身，會提起興趣帶埋佢去玩。相反，重就無只有留低佢。咁計起上黎，平嗰枝可能會貴過貴嗰枝，原因是好少用囉。
師公講得好啱，如果買鋁，用得兩次就想買碳纖。FYI, Gitzo法蘭西，Velbon日本，Benro（老翻Gitzo，大陸）。
刪除嘻嘻, koosan 即係建議揾G嫂 :) 四,五千隻腳, 個䬶包都痛痛地 :)
刪除路人甲 :師公，駛唔駛考慮埋放唔放到入20吋匣？ >:)
刪除以前買果陣，我都想揾G嫂，不過最後揾咗賓佬。
刪除G嫂十幾年前賣左比 manfrotto 就由法蘭西造變左意大利, 一般黎用都無乜所謂, 最緊要扎實. 有路邊社消息話G嫂碳腳有同賓佬買料
刪除"G嫂碳腳有同賓佬買料"?? 唔係化？
刪除當時見到G嫂隻架，型號15xx賣三千，計來計去都無買，最後去SSP買賓佬0號，好似千三落樓。
其實一年都用不到兩三次。
我諗如果唔係攞去捉賊，應該無咁易爛。
Gitzo GT1542T VS GT-2531 :)
刪除係呀，當時睇1542。
刪除Wow ~ 上面既對白好Pro呀 , 完全聽唔明 . XD
刪除討論緊腳架, 有時配角仲貴過主角 ^^
刪除冬天出門好快就日落 , 每日扣咁D , 好呃鐘唶 .
回覆刪除無去能取岬, 有D唔抵.
刪除都唔算太過唔抵 , 因為去到都係一大片雪地 ,
刪除冇乜野睇 , 搵唔到 "舒淇" 在邊個位跳落去 . haha ...
小姐, 果日網走場雪走後放晴, 去能取岬可能睇到太陽落山, 不過要冒無街燈夜車風險.
刪除豬皮? 廿年前睇過去下書仔就無乜留意佢喎 ^^