今午想試部新相機, 就撘車去兒時所住地方逛逛
小時候去柏立基睇街症都必經過啟德河, 已前只覺得只係條大坑渠, 又臭又污濁, 因為那時很多污水由大磡村排出, 近呢十幾廿年大磡村消失及改善排污, 水質清了很多, 仲見到有魚.
衙前圍村旁
衙前圍村正門
相信不久就看不到啟德河, 工程會將啟德河變成暗渠
圍前圍村很多都人去樓空
經過一個休戲處
上圖置位就係當年東頭村13座 (多謝原作者網上提供)
新蒲崗大廈粉紅色位置已前係英華戲院
摩士二號公園古舊噴水池, 童年時曾經在此放船仔
這摩士一號公園樓梯是我們由黃大仙去東頭村必經之路, 除了兩旁圍牆無變外, 其他部是翻新
足球場旁邊已前是泥路
呢處很經典, 這位置應是已前下村28座摩士公園旁一舊巨石, 已前有些雀友撘了個涼亭玩雀, 旁邊有個神台
神台仍在, 和昔日比較大了很多
已前這處是條斜路, 斜路頂是30座
(多謝原作者網上提供)
(多謝原作者網上提供)
這舊石就是上圖有圓型地方, 已鏟去不少, 留下的只有回憶
另一舊石, 我最喜歡放學後爬上去
由此路出發
黃大仙未起地鐵地貎
這是上小學每天必經之路
幾十年前就是這樣, 小巴是去靑山道的 (多謝原作者網上提供)
我所讀的小學
除了放鐘的位置, 內部完全不同
曾在這處玩球
已前圖書館是在社區中心三樓
黃大仙中心
這是起地鐵時的龍翔道, 攝影者是站在臨時木橋影, 橋位置和現在的位置也不多 (多謝原作者網上提供)
黃大仙人廟已前都會入去行下
除主廟外, 噴泉同果個亭都很久歷史
銅荷花是近年至加上去, 以前只有幾支噴水柱, 池內有金魚
不見已前最高的東南西北座, 現在只見豪宅
正門旁的林氐祖墳
地鐵旁已前係第8座, 有檔雲吞麵好好食, 已前賣1蚊
留下一段橫過龍翔道鐡橋回憶
息微的沙田坳村
由黃大仙官立小學旁向南望的街市遠處的16座 (多謝原作者網上提供)
舊相版好寶貴。
回覆刪除黄大仙祠好似只去過三次。由細到大都係讀黄大仙學校（不是在黄大仙讀，已係嗇色園開嘅），三次畢業禮都係黄大仙舉辦。
Koosan, 乜要去黃大仙廟行畢業禮? ^^
刪除要呀，入面某個禮堂，唔記得。
刪除只記得有“劉華“獎學金，一年得一個。
劉華? 佢中學讀可立, 小學就同我一間 ^^
刪除以前嗇色園得兩間中學，一間可立，一間可風。
刪除原來舊時同t 先生住得幾近, 我住近九龍城, 讀書都係九龍城, 好多 friend 住黃大仙, 所以好多時都喺黃大仙蒲.
回覆刪除摩士公園都成日去玩同埋放船仔, 不過已經有七八年冇去嗰邊.
大小姐都有去摩士放船仔, 係唔係我影果個2號公園定近東頭村個4號公園, 果處有個露天劇場, 仲有兩架石船, 有時候有水有時候無水..我識砌模型船後就自己去年摩士泳池果邊有個免費池試船, 果時真係好開心同滿足 ^^
刪除九龍城我大約十歲至踏足, 鄰家朋友仔有個亞公住東頭村, 有時候我都跟埋佢去亞公度, 然後去賈炳達道果間福利模型睇睇. 城寨我地都入過去行, 不過係最外圍果條內街, 出番去就到果幾間無牌牙醫位置 :D
我去摩士玩放船仔係有兩架石船嗰度, 嗰時落埋池玩都無人理.
刪除城寨我都入過去行, 因為有朋友住裡面, 不過都係最外圍果啲街唔敢行咁入, 驚喺入面俾人溶咗都冇人知.
城寨臨拆前，學校搞活動入過，行哂大部份地方，去前阿sir交帶唔好亂講野，手指指等。
刪除淨係記得入面水電線亂黎的，完全無人理。
有D似八十年代返大陸。
咁有無見到D亞嬸坐喺樓梯口 ^^
刪除亞嬸見我地班學生都避一避。
刪除元朗依家就仲有。
城寨確實有好多故事
刪除E? 原來是街坊!我住下邨16座，對住個亭，舊石有段古 ...... 係我親眼見
回覆刪除e, 羅兄都係黃大仙人16座近馬路旁每逢星期日好多人擺地攤售賣過期漫畫公仔小食, 仲有鐵皮屋有檔係潛公仔字隔離有檔豆槳檔, 大舊石上面有個平台, 不過好少上去因為怕有道友, 關於有段故...我都想知下 :)
刪除當年拆舊石時，我讀緊小學下午班，早上無所時事，不是看兒童節目重播，便是通街玩。睇住對面 14 拆了幾日後，有朝有架鶴咀車上了圓亭，開始拆我由細玩到大的地方。放學返來時，所有人造建築不見了，只餘下大石一舊。
刪除第二朝，我望住架鶴咀車上了石頂，挫了幾下〔舊石應該好硬，挫唔碎之餘，還成架車撐起〕，工人便下車，幾個字後，工人再上車，再挫，也是挫了幾下，便棄車走。之後一直冇對舊石開工，鶴咀車只留在石頂上。〔如果當時識影相就正，晚上一個鶴咀車孤獨地在石上，畫面很正。〕
過兩天的早上，運來另一型號、大架些的鶴咀車〔明顯是勁好多的〕，先駛走舊那部，新的再上去。如是，挫了幾下，工人便棄車走。
第二朝，我見工人們及一班西槳裝友〔有些是西人〕，在石下拜神，還有道士，像打齋，之後鶴咀車便駛走，再也不攪舊石。而一星期後，我便見工人在石後，畫了一個很大的 H ，便是現在龍吉樓的位置。
果排，聽大人話，原來每次不同的工人上去挫舊石，個個都即頭劇痛，咪話唔斜邪。
嘻嘻, 羅 sir 呢個回覆比 google 過濾當垃圾, 今日望望設計內容才重見天日, 此石仍在原來有因由. 謝謝.
刪除還記得19座有間鳳鳴燒臘舖, 有時放學都會睇下佢地喺路口炸燒雞, 真係好香好正, 可惜有得睇無$買
整多張你嘅舊居相比你睇睇 ^^