青森租車

已前日本租車都幫襯 tabirai, 不過青森區內無想租嘅 SUV, 上網左搵右搵,  發現原來可以由nippon rent a car 租到森林人, 咁就直接同佢租

呢隻銀底黑馬仔喺租車公司外都呆等我多七個鐘頭, 旁邊果架應該係日產 e-power, 好似係從電油轉成電能行車, 其實我在羽田都電郵過兩次比租車公司最新情况, 青森空港不大, 出門右邊行一陣就喺所有租車公司.

呢架唔係今年剛出最新型果架, 相信係我 2016年租過果架 FL, 最明顯轉了 Xenon 頭燈同下巴霧燈風口位. 庄內 300, 原來喺山形縣走上黎

仲有LED日行燈, 不過効果唔係太明顯

錶板最明顯係中間 display 比較大, 幾年前款嘅車總里數行左 5303 km, 都唔知有無較個錶 :P 不過整體外觀都新淨. 今次共行了千多公里, 入左三次共約一萬円油, 今次每 lite 大約 160円

軚控制都改左, 呢個(ACC)主動巡航真係好好玩, 三間係 set 距離, +- set 速度, set 左就無需踏油門或腳掣, 好似舊磁石咁同前車互動, 不過山路彎多就不要用咯, 因為轉山路彎會有時失去前車距離, 佢會自動加速到你 set 個速度

車尾燈都有些唔同, 仲有係已有原裝後車 cam, 不過就有些偏左

轆軨都唔同款, 不過都係十七吋, 仲配埋雪軚, 去大間崎豪雨冲水氹都無有怕, 雖然唔係好勁, 不過真係好揸

同埸加映Nissan X-TRAIL